2024年度「人樹共融」 -「樹木再造」成果展已經圓滿結束啦，我哋希望透過今次展覽可以讓參觀者對本地樹木、升級再造及可持續發展概念有更多認識。 今次展覽由香港知專設計學院室內設計課程嘅學生Bobby設計，佢啱啱完成咗相關高級文憑課程，而家正就讀室內設計學位課程。唔好睇Bobby年紀輕輕，佢嘅設計真係心思、創意兼備㗎！佢嘅設計理念正好貫徹本企劃推動環保及升級再造嘅宗旨，喺選用嘅物料上主要係回收或可重用木材，例如運輸常用嘅卡板及運輸木箱等，希望展覽結束後，木材能夠循環再用，減少浪費。而喺各個展區中，佢特別鍾意中小學校園「願˙木」計劃嘅展區，因為呢區嘅展櫃設計就係利用卡板組合而成，再加上展櫃內展示嘅中、小學生回收木小作品，完美地展示咗如何將創意設計同環保理念互相融合。 Bobby亦希望透過今次展覽為參觀者提供互動體驗，因此佢特別設計咗一個遊戲空間，讓參觀者可以親身體驗回收木作品帶嚟嘅樂趣，例如利用回收木製一弦結他彈奏一曲，又或者挑戰一下玩十字劍球等。而且佢仲刻意預留充足嘅空間畀木作品展示區，讓參觀者可以近距離駐足欣賞「升級再造青年木工班」嘅各款木作品，例如多功能手提電腦折疊木支架、摺疊式工作枱、百寶箱等。Bobby話佢設計嘅最終目的係希望讓參觀者明白，只要大家花多一點心思，好多物料都可以循環再用，廢物都可以升級再造為有用嘅物品，為環保出一分力就係可以咁簡單。
「樹遊香港」馬灣公園綠色導賞團 第二團已經喺11月頭順利完成 ! 今次導賞團好多謝香港知專設計學院 園境建築高級文憑講師Vega Shang及植物專家小燕擔任導賞員，帶領一眾參加者深入馬灣大自然公園，探索園內唔同嘅樹木品種及自然生態 。另外，我哋好榮幸得到馬灣公園高級公園經理 Edmond Wong嘅鼎力支持，特別為我哋參加者介紹園內嘅食用菇菌培植室，令大家大開眼界﹗ 一眾參加者都非常投入，沿途欣賞園內自然生態嘅同時仲好主動發問，佢哋仲話希望導賞員們可以分享多啲、講耐啲添啊！大家都盡興而歸，真係非常感謝各位導賞員嘅精彩導賞同分享！
我哋今年喺銅鑼灣時代廣場舉辦嘅「人樹共融」- 「樹木再造」成果展已經圓滿結束，多謝每位嚟參觀嘅朋友啊！希望大家參觀後，都對樹木升級再造及可持續發展嘅概念有咗更深入嘅認識啦！
賽馬會「樹木再造」青年共創企劃本年度嘅「人樹共融・永續社區」專題講座及分享會已於10月30日圓滿舉行。多謝3位演講嘉賓為我哋分享樹木及廢棄資源升級再造，以及如何將永續發展嘅環保理念融入到社區發展及建設中，相信當日線上線下嘅參加者都對木材和資源升級再造及社區永續發展有更多嘅認識，獲益不少。 再次感謝各位演講嘉賓嘅寶貴分享 分享會 – 發掘廢木設計的可能性 The Wasted Co. Ltd. 創辧人 Dr Dickson Yan 專題講座 – 善用再造資源，建構永續城市 Avoid Obvious Architects 創辧人 Mr Vicky Chan BREADstudio 創辧人 Mr Benny Lee
賽馬會「樹木再造」青年共創企劃本年度嘅「人樹共融・永續社區」專題講座及分享會已於10月30日圓滿舉行，3位演講嘉賓為我哋分享樹木及廢棄資源升級再造，以及如何將永續發展嘅環保理念融入到社區發展及建設中。錯過咗嘅朋友唔緊要，而家可以足本重溫
© 2025 賽馬會樹木再造青年共創計劃 All Rights Reserved.
Web Design By East Technologies
